СУНТААР УЛУУҺУГАР ОККО КИИРДИЛЭР

14:01
10 июля 2018

Сунтаар улууһугар биирдиилээн дьон ходуһаҕа киирдилэр. Тойбохойго 4,5 гектар, Толооҥҥо 1, Кутанаҕа 5, Сунтаарга 3 га от охсуллубутун туһунан улуус тыатын хаһаайыстыбатын исписэлииһэ Петр Васильев иһитиннэрдэ. Туойдаахтар, күүкэйдэр окко киирдилэр. Быйылгы былаан былырыыҥҥыттан кыра, үүнүү да оннук.

От үлэтигэр туттуллар тиэхиньикэни, саппаас чаастары Устьеҕа Руслан Федотов ИП кэлэн хаһыс да күнүн атыылыыр. Сыллата улууһу хааччыйар Егор Сергеев быйыл «Сельхозтехника» маҕаһыыны арыйда. Бэҕэһээҥҥиттэн тиэхиньикэ, саппаас чаас атыыга таҕыста.