ХАҤАЛАС УЛУУҺУГАР БЭЙЭ АҺЫН ХОТО ОҤОРОЛЛОР

09:53
10 июля 2018

Мохсоҕоллоохтооҕу «Хаҥалас-Ас» ТХПК толорооччу дириэктэрэ Валентин Иванов иһитиннэрбитинэн, быйыл үүккэ 3750 туонна былааннаахтар. Билигин 1110 туоннаны туттулар. Сыл бүтүөр диэри үүт былаанын аһара толорор санаалаахтар.

Кооператив кефиры, үүтү, йогурт түөрт көрүҥүн, иэдьэгэйи, сүөгэйи уонна арыыны оҥорор. Үһүс сылын күөх луугу нэһилиэнньэттэн тутар, онон быйыл биэс туонна күөх луугу анал пакеттаан атыыга бэлэмнээтэ. Мантан сайын Үөдэй сыаҕа оҕурсу, сир аһын арааһын тутуоҕа.

«Хаҥалас-Ас» ТХПК бэйэ аһын оҥорон таһаарыыга кэскиллээхтик үлэлиир, киэҥ өрүттээх үлэни ыытар.